संसार

मला माहीत आहे
त्रासून कधी तू चिडशील
पण जेव्हा गरज असेल
तेव्हा माझ्यावरच तू प्रेम करशील

कठीण रस्त्यावर सावरताना
तुझाच आधार मिळेल
संसार संतुलित कसा करावा
तुला बरोबर कळेल

आजारी असताना डोक्यावर
हाथ जेव्हा असेल
रोजच्या धकाधकीच्या जीवनातला
सगळा त्रास मिटेल

घड्याळाच्या काट्याबरोबर पळताना
रोज होईल कसरत
पण तुझ्या मिठीत शिरल्यावर
सगळं मिळेल अलगत

संसार संसार म्हणतात त्याने
आपण थोडे दमतो
तरीही एकमेकांच्या सोबतीत
आपण पूर्ण रमतो…